- 785 -

1455. Aug. 27.

Vnsern willigen vnuordrossen dinst zuuor. Hochgeborne furstynne, gnedige frawe, gestrengen, woltochtigen, erber vnd weizen, besunder gonnere vnd lieben frunde. Als ir vns schreibet, wie der edeler vnd wolgeborner her Girzik von Poydibrad, gubernator des kunigreichs zu Behemen der stat Legnicz, iren inwonern vnd helffern entsaget hat, vnd offenbar synt wurden ist vnd vns des eyne abeschrifft der entsagunge mitesant habt vnd begeret, das wir dorczu helffen vnd raten weiden, das suliche fehede vnd crige muchten wiedir wendet werden etc., haben wir wol vornomen vnd tun ewir gnaden vnd euch wissen, das vns suliche crige, die sich also in den landen dirheben sulden, gar lehet weren vnd wir haben botschafft, wie das der edeler herre Heinrich von Rozenberg vnser hauptman sich bey kurcz zu den ffurstenthumen, landen vnd steten Sweydnicz vnd Jawor vnd zu vns fugen wirt; wie schire seyne edilkeit komen wirt, wellen wir ewir schriffte an seyne edilkeit gerne brengen vnd die sache auch mit landen vnd steten handiln, vnd was wir denne neben in dorczu helffen vnd geraten mogen, das sulche crige vndirstanden muchten werden, dobey wollen wir als vil, als an vns ist vnd vns zu tun fuget, vnsern fleis gerne tun, wenne wir alleczeit der lande bestis vnd gedey gerne sehen weiden vnd vns sulde auch der muhe dorynne nicht vordrissen, Geben am dornstage vor decollacionis sancti Johannis baptiste anno etc. Lquinto. Ewir gnaden willige diener, Hanns von Rotenberg vndirhouptman, manschaffte vnd ratmanne der stat zu Breslow.

Rückaufschrift: Der hochgeborn furstynne vnd frawen, frawen Hedwigen, herczogynne zu Goltberge vnd Hayuow etc., vnserer gnedigen gonnerynne, vnd den gestrengen, woltechtigen, erbern vnd wefzen manschaften vnd steten Legnicz, Goltberg vnd Haynaw vnsern gonnern vnd lieben frnnden.

O. d. St. L. No. 129, mit Siegelresten.

Urkunden-Buch der Stadt Liegnitz und ihres Weichbildes bis zum Jahre 1455 - Herausgegeben dr Friedrich Wilhelm Schirrmacher - Liegnitz 1866